უკრაინის საზღვრებთან ახლოს ჩატარებული წვრთნების შემდეგ რუსეთის ჯარი მუდმივი დისლოკაციის ადგილზე დაბრუნებას იწყებს

რუსეთის თავდაცვის მინისტრის, სერგეი შოიგუს განცხადებით, ქვეყნის სამხრეთით და დასავლეთით შეიარაღებული ძალების მოულოდნელი შემოწმების პროცესი დასრულდა და პირადი შემადგენლობა მუდმივი დისლოკაციის ადგილებს დაუბრუნდება.

„მჯერა, რომ მოულოდნელი შემოწმების მიზნები სრულად იქნა მიღწეული. ჯარმა ქვეყნის საიმედოდ თავდაცვის უნარი აჩვენა. რუსეთის შეიარაღებული ძალები ადეკვატურად რეაგირებენ რუსეთის საზღვრებთან სიტუაციის ყველა ცვლილებაზე. ამასთან დაკავშირებით, გადავწყვიტე, დავასრულო შემოწმებები სამხრეთ და დასავლეთ სამხედრო რაიონებში“, - განაცხადა მინისტრმა.

მისი თქმით, ჯარი მუდმივი დისლოკაციის ადგილს 1-ელ მაისამდე დაუბრუნდება.

ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში ჟოზეფ ბორელიმ რამდენიმე დღის წინ განაცხადა, რომ რუსეთს უკრაინის საზღვრებთან 100 000 ჯარისკაცი ჰყავდა მობილიზებული.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა