შალვა პაპუაშვილი - გადადგება თუ არა თამარ ჟვანია, მისი გადასაწყვეტია, თუმცა  ნებისმიერ გადაწყვეტილებას წინ უნდა უძღოდეს ოპოზიციის მხრიდან მის მიმართ ბოდიში

საპარლამენტო უმრავლესობის ერთ-ერთი ლიდერის, შალვა პაპუაშვილის განცხადებით, ადგილობრივ თვითმმართველობის არჩევნებამდე ცენტრალური საარჩევნო კომისიის ამჟამინდელი შემადგენლობის ცვლილება გათვალისწინებული არ არის და შესაბამისად, თამარ ჟვანიას გადადგომა მისი ინდივიდუალური გადაწყვეტილების საგანია.

როგორც პაპუაშვილმა „პალიტრანიუსის“ გადაცემა „დღის ნიუსრუმში“ განაცხადა, არ იცის, რას გადაწყვეტს თამარ ჟვანია, თუმცა „ნებისმიერ გადაწყვეტილებას, რაც ჟვანიამ არ უნდა მიიღოს, წინ უნდა უძღოდეს ბოდიში ოპოზიციის და რამდენიმე არასამთავრობო ორგანიზაციის მხრიდან“.

„საარჩევნო ცვლილებებით ცენტრალური საარჩევნო კომისიის ამჟამინდელი შემადგენლობის ცვლილება არ არის გათვალისწინებული და ეს არაკონსტიტუციურიც იქნებოდა. რაც შეეხება თამარ ჟვანიას ინდივიდუალურ გადაწყვეტილებას, მისი გადასაწყვეტია, რას გადაწყვეტს. ნებისმიერ გადაწყვეტილებას, რაც არ უნდა მიიღოს, პირველ რიგში, წინ უნდა უძღოდეს ბოდიში ოპოზიციის და რამდენიმე არასამთავრობო ორგანიზაციის მხრიდან. ჯერ საჭიროა მათ ბოდიში მოუხადონ თამარ ჟვანიას. განსაკუთრებით, „სამართლიანმა არჩევნებმა“ პირადი ბოდიში უნდა მოუხადოს, რაც მათ ჰკადრეს ამ ადამიანს, ყველაფერზე ბოდიში აქვთ მოსახდელი - დადეს პარალელური დათვლის შედეგები, რაც გახდა საფუძველი, რომ წასულიყო სიძულვილის ენა თამარ ჟვანიას წინააღმდეგ. აღმოჩნდა, რომ ეს პარალელური დათვლა იყო არასწორი და დღემდე ბოდიში არ მოუხდიათ თამარ ჟვანიასთვის.

ის ბრალდებები, რაც არჩევნების შემდეგ ვნახეთ, მთელი ისტორია გაყალბებული არჩევნების შესახებ, არის ერთი დიდი „აფიორა“, რაც ჩვენს ქვეყანაში შედგა. მოხდა პირდაპირი მანიპულაცია რიცხვების, პარალელური დათვლა ახლოსაც არ იყო სიმართლესთან, იყო ბათილი ბიულეტენებით მანიპულირება. აბსოლუტურად ყველა რიცხვი, რასაც ჩვენი ოპონენტები ამბობდნენ, იყო ტყუილი. ეს იყო ერთი დიდი „აფიორა“, რომელიც ვერ განხორციელდა“, - აღნიშნა შალვა პაპუაშვილმა.

კითხვაზე, ხედავს თუ არა პრობლემას, რომ ადგილობრივი თვითმმართველობის არჩევნები თამარ ჟვანიას მიერ ცენტრალური საარჩევნო კომისიის თავმჯდომარეობის პირობებში ჩატარდეს, პაპუაშვილმა განაცხადა, რომ ვერანაირ პრობლემას ვერ ხედავს.

„ვერანაირ პრობლემას ვერ ვხედავ. თამარ ჟვანია 2/3-ზე უფრო დიდი უმრავლესობით არის არჩეული. ის არასამთავრობო ორგანიზაციების მიერ იყო წარმოდგენილი და თავად „სამართლიან არჩევნებში“ მუშაობდა წლების განმავლობაში. სურდათ მომხდარიყო არჩევნების დისკრედიტაცია, ეს იყო გეგმა, რომელიც საბედნიეროდ, ვერ განხორციელდა. „ნაციონალური მოძრაობის“ და „ევროპული საქართველოს“ კრახი სწორედ იმაშია, რომ შეთანხმება შედგა“, - განაცხადა შალვა პაპუაშვილმა.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება
პირველად საქართველოში: „შატო მუხრანი“ მსოფლიოს 100 საუკეთესო ვენახს შორის 58-ე ადგილს იკავებს