ექიმები ალექსეი ნავალნის შიმშილობის დაუყოვნებლივ შეწყვეტისკენ მოუწოდებენ

პატიმრობაში მყოფი კრემლის კრიტიკოსის, ალექსეი ნავალნის ექიმებმა, რომლებსაც პაციენტის გასინჯვის საშუალებას არ აძლევენ, პოლიტიკოსს მოუწოდებენ "დაუყოვნებლივ" შეეწყვიტოს შიმშილობა.

კარდიოლოგმა აიროსლავ აშიხმინმა და კიდევ ოთხმა ექიმმა Mediazona-ს საშუალებით გაავრცელეს განცხადება, სადაც აღნიშნულია, რომ ნავალნის საკუთარი სიცოცხლის გადასარჩენად შიმშილობის შეწყვეტისკენ მოუწოდებენ.

“დაუყოვნებლივ შეწყვიტეთ შიმშილობა საკუთარი სიცოცხლისა და ჯანმრთელობის შესანარჩუნებლად,“- აღნიშნულია მიმართვაში.

შეგახსენებთ, დასავლეთმა კრემლი გააფრთხილა, რომ ნავალნის დაღუპვის შემთხვევაში რუსეთს „შედეგები“ ემუქრება.

ნავალნი მარტის ბოლოდან შიმშილობს. მისმა ექიმმა რამდენიმე დღის წინ განაცხადა, რომ პოლიტიკოსის ჯანმრთელობის მდგომარეობა შიმშილობის მესამე კვირაში სწრაფად უარესდება და ის, შესაძლოა, სიკვდილის პირას აღმოჩნდეს.

იხილეთ ვიდეო:ექიმები ალექსეი ნავალნის შიმშილობის დაუყოვნებლივ შეწყვეტისკენ მოუწოდებენ

პატრიარქის სააღდგომო ეპისტოლე
ქართული პრესის მიმოხილვა 06.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
ნიკოლოზ მეტრეველი - ჩინეთი აღარ იმალება და იცდის
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს