ინდოეთის საავადმყოფოში გაჩენილ ხანძარს 13 კოვიდპაციენტის სიცოცხლე ემსხვერპლა

ინდოეთის მაჰარაშტრის შტატის ერთ-ერთ საავადმყოფოში, სადაც კოვიდინფიცირებულებს მკურნალობენ, ხანძარი გაჩნდა, რასაც 13 პაციენტის სიცოცხლე ემსხვერპლა.

მედიის ინფორმაციით, საავადმყოფოში სულ 90 პაციენტი იმყოფებოდა და ისინი, ვინც ხანძარს გადაურჩნენ, ახლომდებარე საავადმყოფოებში გადაიყვანეს.

ხანძრის გამომწვევი მიზეზის დასადგენად გამოძიება დაწყებულია.

ინდოეთში, გასული 24 საათის განმავლობაში, კორონავირუსის 332 730 ახალი შემთხვევა გამოვლინდა, რაც რეკორდულად მაღალი დღიური რაოდენობაა პანდემიის დაწყების დროიდან. ამასთან, ვირუსს კიდევ 2 263 ადამიანის სიცოცხლე ემსხვერპლა.

ინდოეთში, საერთო ჯამში, კოვიდ 19-ით ინფიცირების 16 მილიონზე მეტი შემთხვევაა დადასტურებული, დაღუპულია 186 920 ადამიანი.

ქვეყნის საავადმყოფოებში თავისუფალი ადგილებისა და ჟანგბადის მარაგის დეფიციტია. მედიის ინფორმაციით, მაჰარაშტრის შტატის ქალა ნაშიკის საავადმყოფოში ოთხშაბათს ხელოვნური სუნთქვის აპარატზე შეერთებული 24 კოვიდპაციენტი დაიღუპა, რისი მიზეზიც ჟანგბადის მარაგის ამოწურვა გახდა.

იხილეთ ვიდეო:ინდოეთის საავადმყოფოში გაჩენილ ხანძარს 13 კოვიდპაციენტის სიცოცხლე ემსხვერპლა

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა