რუსეთში ამერიკის შეერთებული შტატების ელჩი ჯონ სალივანი ვაშინგტონში ჩავიდა, - ამის შესახებ ინფორმაციას რუსული მედია ავრცელებს. „მოუთმენლად ველი ჩემს ოჯახსა და ახალ ადმინისტრაციაში ჩემს კოლეგებთან შეხვედრებს", - განუცხადა ელჩმა ჟურნალისტებს დალესის საერთაშორისო აეროპორტში.
ჯონ სალივანმა სამშაბათს დაადასტურა, რომ ვაშინგტონში კონსულტაციებისთვის გამგზავრებას გეგმავდა. მისი თქმით, მოსკოვში უახლოეს კვირებში დაბრუნდება.
აშშ-ის პრეზიდენტმა ჯო ბაიდენმა 15 აპრილს ხელი მოაწერა განკარგულებას რუსეთის წინააღმდეგ ახალი სანქციების დაწესების შესახებ, პასუხად რუსეთის საგარეო საქმეთა სამინისტრომ ქვეყნიდან 10 რუსი დიპლომატი გააძევა.
ამასთან, მოსკოვმა აშშ-ის ელჩს ვაშინგტონში ჩასვლა და ბაიდენის ადმინისტრაციის ოფიციალურ პირებთან კონსულტაციების გამართვა „ურჩია“.