ლატვიის საგარეო საქმეთა მინისტრი ედგარს რინკევიჩსი აცხადებს, რომ ლატვიამ, ჩეხეთის მიმართ სოლიდარობის გამოხატვის ნიშნად, რუსი დიპლომატის გაძევების გადაწყვეტილება მიიღო.
„ჩვენი ჩეხი მოკავშირეების სოლიდარობის ნიშნად და ვენის კონვენციის დარღვევის გამო, ლატვიამ რუსი დიპლომატის გაძევების გადაწყვეტილება მიიღო. ლატვია არ შეეგუება დივერსიულ საქმიანობას საკუთარ, ისევე როგორც პარტნიორებისა და მოკავშირეების ტერიტორიებზე,“- წერს რინკევიჩსი სოციალურ ქსელ „ტვიტერში“.