ესტონეთი, ჩეხეთის მიმართ სოლიდარობის გამოხატვის ნიშნად, რუს დიპლომატს ქვეყნიდან აძევებს, - შესაბამის ინფორმაციას ესტონეთის საგარეო საქმეთა სამინისტრო ავრცელებს.

„ჩეხეთის მიმართ სოლიდარობის ნიშნად, ესტონეთი გააძევებს რუს დიპლომატს, რომლის საქმიანობა ვენის კონვენციის შესაბამისად, დიპლომატიურ საქმიანობას არ შეესაბამება,“- აღნიშნულია უწყების მიერ გავრცელებულ განცხადებაში.

ორი რუსი დიპლომატის გაძევების გადაწყვეტილება მიიღო ლიეტუვამაც. საგარეო საქმეთა მინისტრმა გაბრიელიუს ლანდსბერგისმა ჟურნალისტებს განუცხადა, რომ დიპლომატებმა ქვეყანა 7 დღის ვადაში უნდა დატოვონ.

მისი თქმით, ეს ნაბიჯი პრაღის მიმართ სოლიდარობის გამოხატვის ნიშნად გადაიდგა.

შეგახსენებთ, დღესვე ცნობილი გახდა, რომ საკუთარი ქვეყნიდან რუსი დიპლომატის გაძევების გადაწყვეტილება ლატვიამაც მიიღო.