თბილისის მერის, „ქართული ოცნების“ გენერალური მდივნის კახა კალაძის განცხადებით, ამნისტიის შესახებ კანონპროექტი ყველას უნდა შეეხოს.

როგორც კალაძემ ჟურნალისტებს განუცხადა, ეს ხელისუფლებასა და ოპოზიციის ნაწილს შორის შეთანხმებაშიც არის გაწერილი.

„ამნისტია ყველას შეეხება, შეთანხმებაშიც მოხდა ამ ყველაფრის ჩაწერა, თუმცა როგორც ზოგიერთი პოლიტიკოსისგან განცხადებებს ვისმენთ, ისინი ამნისტიას არ გამოიყენებენ და ალბათ, უნდა მივცეთ პოლიტიკოსებს იმის შესაძლებლობა, რომ გამოიყენონ თუ არა. ჩემი პოზიცია არის ის, რომ თუ ეს გადაწყვეტილება იქნება მიღებული, ამნისტია უნდა შეეხოს ყველას",-განაცხადა კალაძემ.