ისრაელის ჯანდაცვის სამინისტროს განცხადებით, გასული დღე-ღამის განმავლობაში, პირველად ბოლო 10 თვის მანძილზე, ქვეყანაში კორონავირუსით გარდაცვალების არცერთი ფაქტი არ დარეგისტრირებულა. ამის შესახებ ადგილობრივი მედია იუწყება.
მათივე ცნობით, ბოლოს ასეთი სახის ინფორმაცია, რომ ვირუსს არავინ ემსხვერპლა, 2020 წლის 29 ივნისით თარიღდება.
გასული დღე-ღამის განმავლობაში, ისრაელში 35027 ტესტი ჩატარდა, საიდანაც ვირუსი 129 ადამიანს დაუდასტურდა. პანდემიის დაწყებიდან დღემდე, ქვეყანაში 837 870 შემთხვევა დაფიქსირდა, 6346 გარდაიცვალა.
ჯანდაცვის სამინისტროს განცხადებით, ისრაელში მოსახლეობის 54%-ზე მეტმა კორონავირუსის საწინააღმდეგო ვაქცინის მეორე დოზა უკვე მიიღო.