კანადის პრემიერ-მინისტრი, ჯასტინ ტრიუდო და მისი მეუღლე სოფი კორონავირუსის საწინააღმდეგო ვაქცინით აიცრნენ, - ამის შესახებ ინფორმაციას Reuters-ი ავრცელებს.
სააგენტოს ცნობით, პრემიერმა და მისმა მეუღლემ „ასტრაზენეკას“ ვაქცინა გაიკეთეს.
„დღეს ჩვენი რიგი დადგა, ასე რომ მე და სოფიმ ვაქცინა გავიკეთეთ და მოხარული ვართ, რომ ეს გავაკეთეთ! შეიტყვეთ როგორ, როდის და სად შეგიძლიათ გაიკეთოთ აცრა,“- წერს ტრიუდო სოციალურ ქსელ „ტვიტერში“.
მან მედიკოსებს, რომლებიც ქვეყანაში ვაქცინაციას ახორციელებენ, მადლობა გადაუხადა და განაცხადა, რომ ისინი ყველაზე მნიშვნელოვან და დასაფასებელ საქმეს აკეთებენ.