რუსეთისა და სომხეთის თავდაცვის მინისტრებმა, სერგეი შოიგუმ და ვაგარშაკ არუთუნიანმა, დღეს ტელეფონით ისაუბრეს, - ამის შესახებ ინფორმაციას სომხური მედია ქვეყნის თავდაცვის სამინისტროზე დაყრდნობით ავრცელებს.
მათივე ინფორმაციით, მინისტრებმა ყარაბაღში რუსეთის სამშვიდობო მისიის პროცესის მიმდინარეობა, სომხეთის შეიარაღებულ ძალებში მიმდინარე მასშტაბური რეფორმების ძირითადი მიმართულებები და სომხეთ-რუსეთის ერთობლივი კონტინგენტის მოქმედებები და მომავალი გეგმები განიხილეს. ამასთან, სატელეფონო საუბრის დროს მხარეებმა რეგიონულ საკითხებზეც ისაუბრეს.