ინდონეზიის ხელისუფლების წარმომადგენლების განცხადებით, რამდენიმე დღის წინ გაუჩინარებული სამხედრო წყალქვეშა ნავის ნამსხვრევები აღმოაჩინეს და ნავის ადგილმდებარეობა დაადგინეს.

მათი თქმით, აღმოჩენილია ნავის საპოხი მასალის ბოთლი და ტორპედოს დამცავი მოწყობილობა.

სკანერებმა კი დაადგინეს, რომ წყალქვეშა ნავი წყალქვეშ დაახლოებით 850 მეტრის სიღრმეზე იმყოფება. ინდონეზიის სამხედრო-საზღვაო ძალების განცხადებით, ისინი ნავის ამოსაყვანად ემზადებიან.

რაც შეეხება ნავზე მყოფი ეკიპაჟის 53 წევრს, მათი მდგომარეობა ამ დრომდე უცნობია.

ინდონეზიის სამხედრო-საზღვაო ძალების უფროსის, იუდო მარგონოს თქმით, ნავი უკვე არა დაკარგულად, არამედ ჩაძირულად ითვლება.

„ავთენტური მტკიცებულებებით, რომლებიც, როგორც ვფიქრობთ, წყალქვეშა ნავიდან არის, გადავედით „დაკარგულის“ ფაზიდან „ჩაძირულის“ ფაზაში გადავედით, ”- თქვა მარგონომ.

შეგახსენებთ, ინდონეზიის სამხედრო წყალქვეშა ნავი, რომლის ბორტზეც 53 ადამიანი იმყოფებოდა, ოთხშაბათს გაუჩინარდა. ის კუნძულ ბალისთან სასწავლო წვრთნებს ატარებდა.