გიორგი ვაშაძე - მომავალში აღარ გვინდა დავუბრუნდეთ მელიას პოლიტპატიმრობის საკითხს, გირაო ციხიდან დროებით გამოშვებას ნიშნავს, ამიტომ მელიას საქმე ამნისტიით დაიხურება

აღარ გვინდა დავუბრუნდეთ მელიას პოლიტპატიმრობის საკითხს მომავალში. გირაო ნიშნავს ციხიდან დროებით გამოშვებას,მაგრამ ვიცით,რომ პოლიტიზირებულად მოტივირებული მართლმსაჯულება მას მაინც შეაბრუნებდა ციხეში, ამიტომ მელიას საქმე ამნისტიით დაიხურება, - ამის შესახებ "სტრატეგია აღმაშენებლის" ლიდერმა გიორგი ვაშაძემ ჟურნალისტებს სასტუმრო "რუმსში" განუცხადა, სადაც შეთანხმების დოკუმენტზე ხელმომწერი ოპოზიციისა და არასამთავრობო ორგანიზაციების შეხვედრა გაიმართა.

გიორგი ვაშაძის თქმით, შეთანხმდნენ, რომ სრული კოორდინაცია ექნებათ სამოქალაქო სექტორათან ყველა საკითხთან დაკავშირებით ეს იქნება ამნისტია, საარჩევნო რეფორმა თუ სასამართლო რეფორმა.

"ყველა კანონპროექტი, რაც შემუშავდება, მათთან გავივლით კონსულტაციებს და მათი უშუალო მონაწილეობით მივიღებთ საბოლოო რედაქციებს, რომელსაც მხარს დავუჭერთ პარლამენტში. ჩემი აზრით, ეს იყო მნიშვნელოვანი შეხვედრა იმისათვის, რომ დაფიქსირებულიყო, რომ ეს შეთანხმება არის მნიშვნელოვანი ქვეყნისთვის და ახლა ყველა მხარე უნდა ჩაერთოს ამ დოკუმენტის მაქსიმალურად სწრაფ რეალიზებაში ისე, როგორც ამას სენატი მოგვიწოდებს", - აცხადებს ვაშაძე.

კითხვაზე, ნიკა მელიას თუნდაც რომ გადაეხადა გირაო, მაინც შემუშავდებოდა თუ არა ამნისტიის კანონპროექტი, ვაშაძე პასუხობს, რომ "გირაო ამნისტიას არ ანაცვლებდა".

"ეს იყო ჩვენი დასავლელი პარტნიორების პოზიცია. გავამარტივებ სიტყვებს და ვიტყვი, რომ აღარ გვინდა დავუბრუნდეთ მელიას პოლიტპატიმრობის საკითხს მომავალში. გირაო ნიშნავს ციხიდან დროებით გამოშვებას, მაგრამ ჩვენ ვიცით, რომ პოლიტიზირებულად მოტივირებული მართლმსაჯულება მას მაინც შეაბრუნებდა ციხეში, ამიტომ მელიას საქმე ამნისტიით დაიხურება და ეს იყო ჩვენი დასავლელი პარტნიორების პრინციპული პოზიცია", - აცხადებს გიორგი ვაშაძე.

ხელმოწერილი დოკუმენტის თანახმად, ეხება თუ არა ამნისტიის კანონპროექტი 20 ივნისის საქმესთან დაკავშირებულ სამართალდამცველებს, ვაშაძე პასუხობს, რომ დღევანდელი შეხვედრა ეხებოდა სწორედ იმას, რომ ამნისტიის კანონპროექტთან დაკავშირებით ყველანაირი სპეკუპაცია დასრულდეს.

"სულ რაღაც 2 დღეში ყველა ნახავთ ტექსტს, ყველა დაინახავთ, რომ ისე არ არის საქმე, როგორც ზოგიერთს უნდა რომ წარმოაჩინოს. გარდა ამისა, ყველაზე მეტად ვწუხვარ იმაზე, რომ ადამიანები, რომლებსაც სიტყვა არ ამოუღიათ იმ კომპონენტებთან დაკავშირებით, რომლითაც ახლა სპეკულირებენ, ეს ყველაფერი ახლა დაიწყეს, რაც ძალიან ცუდია. რაც შეეხება კონკრეტულ საკითხებს - შეეხება ყველას, ვინც პროტესტში იღებდა მონაწილეობას, დაახლოებით 16 ადამიანია. შეეხება მათ შორის მათაც, ვისაც უკვე მისჯილი აქვს, ან საპროცესო გარიგება აქვს გაკეთებული და ა.შ. ასევე შეეხება იმ პოლიციელების საქმეებს, რომელიც ამჟამად არის გამოძიებაში. ჩვენი ინფორმაციით, საუბარი არის 3-4 პოლიციელზე, ოღონდ ამნისტიის აქტი არ არის კონკრეტულ პერსონებზე, ის არის კონკრეტულ მუხლებზე. შესაბამისად, ამნისტიის კანონში ჩაიწერება მხოლოდ ის მუხლები, რომელზეც ეს ადამიანები არიან, რაც შეეხება თვალის დათხრის საქმეს, ეს კონვენციით დაცული მუხლია. დღეს ჩვენ დადასტურება მივიღეთ საია-სგან, რომელიც ამ საქმეს სტრასბურგში პროფესიონალურად უდგება. მათზე ცოტა ნაწყენი განცხადებები მქონდა და უნდა ვაღიარო, რომ საია-ს ახალი თავმჯდომარე პროფესიონალია. მან ეს საკითხი დეტალურად განგვიმარტა, რაც ნიშნავს შემდეგს, რომ სტრასბურგის გადაწყვეტილების შემდეგ მთლიანად ამ საქმეების კვალიფიკაცია შეიცვლება და კონვენციით დაცული მუხლებით, რომელიც ვერ იქნება ამნისტიის კანონში, მოხდება ამ საქმეების გამოძიება. ამიტომ, ჩემი აზრით, ამით უნდა დასრულდეს ყველა სპეკულაცია ამ საკითხთან დაკავშირებით",- აცხადებს ვაშაძე.

გარდა ამისა, როგორც მან განმარტა, ხვალ ამ ზეგ კომუნიკაცია ექნებათ ხელისუფლებასთან, სადაც ნახავენ მათ "ჩუმ ჩანაფიქრს". "ამ ჩუმი ჩანაფიქრების მერე გეტყვით, რეალურად რა უნდათ", - აცხადებს ვაშაძე.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
კახა ოქრიაშვილი - "ღალატის პარტიას" არ სურს, საქართველო გახდეს ევროკავშირის წევრი ქვეყანა
დავით ზილფიმიანი მიმართვას ავრცელებს
PSP წლის ორი უმნიშვნელოვანესი ბიზნესდაჯილდოების - „ოქროს ბრენდი 2021“ და „ეროვნული ბიზნეს რეიტინგი XXII“-ის გამარჯვებულია
„წისქვილი მცხეთაში“ – „წისქვილი ჯგუფის“ სარესტორნო ქსელს დღეიდან კიდევ ერთი გამორჩეული რესტორანი ემატება
„იმპექსში“ ყოველკვირეული, უპრეცედენტო შეთავაზებები იწყება
ახალი ლიბერთი ახალი ცხოვრებისათვის - ლიბერთის და “ტელეკლინიკა - MyDoc“-ის ჯანმრთელობის ხელმისაწვდომობის პროგრამა
„აპარტ დეველოპმენტმა“ ახალი გაყიდვების ოფისი გახსნა
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება