„სტრატეგია აღმაშენებლის” ლიდერები არასაპარლამენტო პარტიების წარმომადგენლებს ხვდებიან. როგორც შეხვედრის მონაწილეები აცხადებენ, განიხილავენ შარლ მიშელის დოკუმენტს და ძირითადად ისაუბრებენ საარჩევნო გარემოსთან დაკავშირებით შეთანხმებაში არსებულ პუნქტზე.

“სტრატეგია აღმაშენებლის” ლიდერის გიორგი ვაშაძის განცხადებით, პარტიები სამუშაო პროცესში გადავიდნენ.

„ბევრი ასეთი საკოორდინაციო შეხვედრა გვაქვს დაწყებული. მიხარია, რომ სამუშაო პროცესში გადავედით. ესაა რეალური სამუშაო პროცესი, რომელიც შედეგს მოუტანს ქვეყანას. მე ყოველთვის ვარ საქმეზე და შედეგზე ორიენტირებული და ეს საქმე აუცილებლად გააქარწყლებს იმ ილუზორულ წარმოდგენებს, რომელიც ვიღაცებს უნდათ, რომ შექმნან”,- განაცხადა ვაშაძემ.