თურქეთის შეიარაღებულმა ძალებმა ჩრდილოეთ ერაყში ტერორისტების წინააღმდეგ მასშტაბური სამხედრო ოპერაცია დაიწყო, - ამის შესახებ ინფორმაციას თურქული მედია ავრცელებს.

მათივე ინფორმაციით, ოპერაციაში, F-16 ტიპის საბრძოლო თვითმფრინავების გარდა, სასაზღვრო საარტილერიო დანაყოფები და მოიერიშე ვერტმფრენებიც მონაწილეობენ.

თურქული მედია წერს, რომ ოპერაცია, რომლის სამიზნეც „ქურთისტანის მუშათა პარტიაა“ (PKK), მეტინას, ავაშინ – ბასიანის, ზაპისა და ყანდილის რეგიონებს მოიცავს.

ცნობისათვის, „ქურთისტანის მუშათა პარტიაა“ ტერორისტულ ორგანიზაციად აღიარებულია თურქეთის, აშშ-სა და ევროკავშირის მიერ.