გერმანიაში ინდოეთიდან შესვლის ნებართვა მხოლოდ გერმანიის მოქალაქეებს ექნებათ, - ამის შესახებ ინფორმაციას The Guardian-ი ავრცელებს.
გამოცემის ცნობით, შეზღუდვა მომავალი კვირის ორშაბათიდან ამოქმედდება.
გერმანიის ჯანდაცვის მინისტრის, იენს შპანის განცხადებით, ამ გადაწყვეტილების მიზეზი ინდოეთში გავრცელებული კორონავირუსის ახალი ვარიანტი გახდა.
„ძალიან გვაღელვებს ვირუსის ახალი მუტაცია, რომელიც ინდოეთშია აღმოჩენილი. იმისათვის, რომ ჩვენს ვაქცინაციის პროგრამას საფრთხე არ შეექმნას, ინდოეთთან მოგზაურობა მნიშვნელოვნად უნდა შეიზღუდოს,“- განაცხადა მინისტრმა.
ცნობისათვის, ინდოეთიდან მგზავრების შესვლა შეზღუდული აქვთ გაერთიანებულ სამეფოს, კანადას, ქუვეითსა და ირანს.