სომხეთის პრეზიდენტმა არმენ სარქისიანმა ამერიკელ კოლეგა ჯო ბაიდენს სომეხთა გენოციდის აღიარებისთვის მადლობა გადაუხადა. ამის შესახებ სარქისიანმა „ტვიტერის“ საკუთარ გვერდზე დაწერა.

„მადლობა, ბატონო პრეზიდენტო. სომეხთა გენოციდის აღიარება გაბედული და შთამაგონებელი ქმედებაა. ის მნიშვნელოვანია სომეხი ერისთვის და ყველასთვის, ვინც მსოფლიოში სამართლიანობას ეძებს. ის ხსნის ახალ პერსპექტივებს აშშ-ისა და სომხეთის ურთიერთობებისთვის“, – წერს სომხეთის პრეზიდენტი.

ჯო ბაიდენის განცხადებას ასევე გამოეხმაურა სომხეთის საგარეო საქმეთა სამინისტრო.

„მივესალმებით სომეხთა გენოციდის წლისთავთან დაკავშირებით აშშ-ის პრეზიდენტის ადმინისტრაციის განცხადებას, რომლითაც პრეზიდენტი ბაიდენი მკაფიოდ განსაზღვრავს, რომ მე-20 საუკუნის დასაწყისში სომეხი ხალხის წინააღმდეგ ჩადენილი მასობრივი სისასტიკე გენოციდია“, – ნათქვამია სომხეთის საგარეო საქმეთა სამინისტროს განცხადებაში.

იხილეთ ვიდეო:არმენ სარქისიანმა ჯო ბაიდენს სომეხთა გენოციდის აღიარებისთვის მადლობა გადაუხადა