ირაკლი ქადაგიშვილი - ჩაითვალა, რომ ახალ რეალობაში, პარლამენტის თავმჯდომარე პოლიტიკური დაძაბულობის პროცესებისგან დისტანცირებული პირი უნდა ყოფილიყო

ჩაითვალა, რომ ამ ახალ რეალობაში, პარლამენტის თავმჯდომარე პოლიტიკური დაძაბულობის პროცესებისგან დისტანცირებული პირი უნდა ყოფილიყო, - ამის შესახებ “ინტერპრესნიუსს“ პარლამენტის საპროცედურო საკითხთა და წესების კომიტეტის თავმჯდომარემ ირაკლი ქადაგიშვილმა განუცხადა.

მისივე თქმით, პარლამენტის თავმჯდომარის პოსტიდან გადადგომის შემდეგ, არჩილ თალაკვაძე პოლიტიკურ დებატებში უფრო აქტიურად ჩაერთვება.

“პარლამენტის მომავალი სამუშაო რეჟიმი კიდევ უფრო მეტ კონსენსუსსა და პარლამენტის თავმჯდომარისგან კიდევ მეტ ნეიტრალობას მოითხოვს, მისი ფუნქციების შესრულებიდან გამომდინარე. ამავდროულად, არჩილ თალაკვაძე, როგორც გუნდის გამორჩეული ლიდერი, უფრო მეტად ჩაერთვება პოლიტიკურ პროცესებსა და პოლიტიკურ დებატებში. პარლამენტის თავმჯდომარის პოლიტიკურ დებატებში ჩართვა მნიშვნელოვანწილად შეზღუდულია, რეგლამენტით შემოფარგლულია“, - აღნიშნა ირაკლი ქადაგიშვილმა.

როგორც ქადაგიშვილი განმარტავს, საფუძველს მოკლებულია იმაზე საუბარი, თითქოს არჩილ თალაკვაძის გადადგომა, შესაძლოა შარლ მიშელის დოკუმენტზე ხელმოწერით იყოს გამოწვეული. მისი განცხადებით, თალაკვაძე გუნდთან შეთანხმებით მოქმედებდა და ეს იყო არა მისი ერთპიროვნული გადაწყვეტილება, არამედ საერთო, პოლიტსაბჭოსთან შეთანხმებული გადაწყვეტილება.

პარლამენტის თავმჯდომარის პოსტიდან გადადგომის თაობაზე არჩილ თალაკვაძემ გუშინ განაცხადა. მას ამ თანამდებობაზე კახა კუჭავა შეცვლის, რომელიც მეათე მოწვევის პარლამენტში ვიცე-სპიკერის პოსტს იკავებდა. სწორედ ვიცე-სპიკერის თანამდებობაზე აირჩევენ ახლა უკვე ყოფილ თავმჯდომარეს არჩილ თალაკვაძეს.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 29.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება