ოსიაურში ლოჯისტიკის დღე საზეიმოდ აღინიშნა

25 აპრილი, საქართველოს თავდაცვის ძალების ლოჯისტიკის დღე, ლოჯისტიკური უზრუნველყოფის სარდლობამ ოსიაურში, ჯარების ლოჯისტიკური უზრუნველყოფის სარდლობის დაცვის ბატალიონის განახლებულ ბაზაზე აღნიშნა. ამის შესახებ ინფორმაციას თავდაცვის სამინისტრო ავრცელებს.

უწყების ცნობით, პირად შემადგენლობას ლოჯისტიკის დღე საქართველოს თავდაცვის ძალების მეთაურმა, გენერალ-მაიორმა გიორგი მათიაშვილმა და თავდაცვის მინისტრის მოადგილემ, გრიგოლ გიორგაძემ მიულოცეს და სიტყვით მიმართვისას ყურადღება ლოჯისტიკის გვარეობისა და საბრძოლო დანაყოფების სრულფასოვნად ფუნქციონირებისთვის ლოჯისტიკური უზრუნველყოფის მნიშვნელობაზე გაამახვილეს.

„სამხედრო მოსამსახურეებს პროფესიული დღე ლოჯისტიკური უზრუნველყოფის სარდალმა, პოლკოვნიკმა კახა ტაბატაძემაც მიულოცა.

ღონისძიება დაჯილდოების ცერემონიით გაგრძელდა. რამდენიმე სამხედრო მოსამსახურეს სამსახურებრივ-საშტატო იარაღი გადაეცა, თავდაცვის სამინისტროს სისტემაში 20 და მეტი წელი უმწიკვლო სამსახურისთვის ორი სამხედრო მოსამსახურე მედლით „სამშობლოსათვის თავდადებული“ დაჯილდოვდა. ლოჯისტიკოსების ნაწილმა „საქართველოს თავდაცვის სამინისტროს სისტემაში უმწიკვლო სამსახურისათვის“ პირველი, მეორე და მესამე ხარისხის მედლები მიიღეს. ღონისძიების დასასრულს სტუმრებს ინფრასტრუქტურის, ტექნიკისა და შეიარაღების დათვალიერების შესაძლებლობა ჰქონდათ.

საქართველოს თავდაცვის სამინისტროს თავდაცვის ძალების ჯარების ლოჯისტიკური უზრუნველყოფის სარდლობა საქართველოს თავდაცვის სამინისტროს სტრუქტურული ქვედანაყოფია. 1992 წლის 25 აპრილს საქართველოს თავდაცვის მინისტრის ბრძანებით „შეიარაღებისა და ტექნიკის უზრუნველყოფის მთავარი სამმართველო“ და „ზურგის მთავარი სამმართველო“ ჩამოყალიბდა. ამ სტრუქტურებით ლოჯისტიკური ელემენტების დანერგვას ჩაეყარა საფუძველი. 2013 წლის 4 დეკემბერს, თავდაცვის მინისტრის ბრძანების საფუძველზე, ლოჯისტიკის დღედ 25 აპრილი განისაზღვრა“, - აღნიშნულია ინფორმაციაში.

იხილეთ ვიდეო:ოსიაურში ლოჯისტიკის დღე საზეიმოდ აღინიშნა

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება
პირველად საქართველოში: „შატო მუხრანი“ მსოფლიოს 100 საუკეთესო ვენახს შორის 58-ე ადგილს იკავებს