აშშ შეშფოთებულია ინდოეთში კორონავირუსის შემთხვევების ზრდით და გადაწყვეტილი აქვს ინდოეთის
ხელისუფლებასა და ჯანდაცვის სფეროს დახმარება აღმოუჩინოს - შესაბამის განცხადებას თეთრი სახლის პრეს-სპიკერი ავრცელებს.
როგორც ცნობილია, აშშ ინდოეთს ჟანგბადის ბალონებითა და ვაქცინების დამატებითი დოზებით დაეხმარება.
Reuters-ის ინფორმაციით, ინდოეთს ჟანგბადის ბალონები უკვე გაუგზავნა სინგაპურმა.
23 აპრილს, აშშ-ის სავაჭრო პალატამ პრეზიდენტ ბაიდენს მოუწოდა ისეთ ქვეყნებს, როგორებიცაა ინდოეთი და ბრაზილია, AstraZeneca-ს ვაქცინებით დაეხმაროს.
ბოლო 2 კვირაა ინდოეთში ეპიდსიტუაცია გაუარესდა. ქვეყანაში გასული დღე-ღამის განმავლობაში, კორონავირუსის 349 681 ახალი შემთხვევა გამოვლინდა, რაც რეკორდულად მაღალი დღიური მაჩვენებელია პანდემიის დაწყების დროიდან. ინდოეთში, პანდემიის დაწყების დროიდან კოვიდ 19-ით ინფიცირების 17 მილიონამდე შემთხვევაა დადასტურებული და დაღუპულია 192 311 ადამიანი.