საუკეთესო რეჟისორის ნომინაციაში „ოსკარის“ მფლობელი ქლოა ჩჟაო გახდა. 39 წლის ჩინელი რეჟისორი ნომინაციაზე წარდგენილი იყო ფილმისთვის „მომთაბარეთა მიწა“.
ეს მეორე შემთხვევაა, როდესაც ამერიკის კინოაკადემიამ ჯილდო ქალ რეჟისორს გადასცა. ამ კატეგორიაში გამარჯვებული პირველი ქალი 11 წლის წინ ქეთრინ ბიგელოუ გახდა.
მამაკაცის მეორეხარისხოვანი როლის შესრულებისთვის “ოსკარი“ 32 წლის ბრიტანელ მსახიობს დენიელ კალუიას გადაეცა შაკა კინგის ფილმში : „იუდა და შავი მესია“ შესრულებული როლისთვის.
ქალის მეორეხარისხოვანი როლის შესრულებისთვის კი „ოსკარი“ სამხრეთ კორეელ მსახიობს, იუნ იუ-ჯუნგის ერგო ფილმისთვის “მინარი.“
„ოსკარის“ რიგით 93-ე დაჯილდოების ცერემონია ლოს ანჯელესში, "იუნიონ სთეიშენში" მიმდინარეობს. პანდემიის გამო, ნომინანტებს ტესტირებისა და კარანტინის პროტოკოლის მკაცრად დაცვა მოუწიათ. ცერემონიას მხოლოდ ნომინანტები და წამყვანების ესწრებიან.