თურქეთის პრეზიდენტის პრესსპიკერი იბრაჰიმ კალინი აცხადებს, რომ აშშ-ის პრეზიდენტის, ჯო ბაიდენის მიერ სომეხთა გენოციდის აღიარება შეურაცხმყოფელია და თურქეთს უახლოეს თვეებში რეაგირება ექნება.

„უახლოეს დღეებსა და თვეებში იქნება სხვადასხვა ფორმის, სახის და ხარისხის რეაქცია, ”- განაცხადა იბრაჰიმ კალინმა Reuters-თან ინტერვიუში.

მისი თქმით, ამ საკითხზე თურქეთის პრეზიდენტი რეჯეფ თაიფ ერდოღანი ორშაბათს დაგეგმილი მინისტრთა კაბინეტის სხდომის შემდეგაც ისაუბრებს და მიმდინარე კვირაში, სავარაუდოდ, სპეციალურ განცხადებას გააკეთებს თურქეთის პარლამენტიც.

შეგახსენებთ, რომ აშშ-ის პრეზიდენტმა ოსმალეთის იმპერიის მიერ სომეხთა მასობრივ მკვლელობას გენოციდი 24 აპრილს უწოდა.