თურქეთის სამხედრო ძალებმა ჩრდილოეთ ერაყში მიმდინარე ოპერაციის დროს “ქურთისტანის მუშათა პარტიის” 31 ტერორისტი გაანეიტრალეს, - ამის შესახებ თურქეთის თავდაცვის მინისტრმა ჰულუსი აკარმა განაცხადა.
მისი თქმით, დაჭრილია 6 თურქი ჯარისკაცი.
ამასთან, თავდაცვის სამინისტრომ მოგვიანებით გაავრცელა ინფორმაცია, რომ ოპერაციის დროს ერთი ჯარისკაცი დაიღუპა.
შეგახსენებთ, თურქეთის შეიარაღებულმა ძალებმა ჩრდილოეთ ერაყში ტერორისტების წინააღმდეგ მასშტაბური სამხედრო ოპერაცია შაბათს დაიწყო. ოპერაცია, რომლის სამიზნეც „ქურთისტანის მუშათა პარტიაა“ (PKK), მეტინას, ავაშინ – ბასიანის, ზაპისა და ყანდილის რეგიონებს მოიცავს.
ცნობისათვის, „ქურთისტანის მუშათა პარტიაა“ ტერორისტულ ორგანიზაციად აღიარებულია თურქეთის, აშშ-სა და ევროკავშირის მიერ.