პორტალი worldpopulationreview 2021 წლის ყველაზე „ჭკვიან ქვეყნებს“ ასახელებს.
პორტალის მიერ გამოქვეყნებულ სიაში პირველი 10 ქვეყანა, რომლის მოსახლეობასაც ყველაზე მაღალი IQ აქვს, არის: ჰონგ-კონგი (108), სინგაპური (108), სამხრეთ კორეა (106), ჩინეთი (105), იაპონია (105), ტაივანი (104), იტალია (102), შვეიცარია (101), მონღოლეთი (101) და ისლანდია (101).
სიაში საქართველოც არის წარმოდგენილი და მისი მოსახლეობის IQ -ის დონე 94 ქულით განისაზღვრება.
პორტალის ყველაზე „ჭკვიან ქვეყნების“ სია ეფუძნება სხვადასხვა კვლევასა და მეთოდს, მათ შორის „ეკონომიკური თანამშრომლობისა და განვითარების ორგანიზაციის“ მიერ ჩატარებულ კვლევას, ბრიტანელი პროფესორის რიჩარდ ლინის მიერ 2002-2006 წლებში ჩატარებულ კვლევას, რომლის ფარგლებიც 80 ქვეყნის მოქალაქეების ინტელექტის კოეფიციენტი (IQ ) გამოიკვლიეს და ასევე ინტელექტის კაპიტალის ინდექსს (ICI), რომელსაც მსოფლიოს ქვეყნების ინტელექტის დონის დასადგენად იყენებენ.