მოსკოვის საქალაქო სასამართლომ პატიმრობაში მყოფი ოპოზიციის ლიდერის, ალექსეი ნავალნის „ანტიკორუფციული ფონდის“ რეგიონალური შტაბების ქსელს საქმიანობის უფლება შეუწყვიტა.
ნავალნის თანაგუნდელის, ლეონიდ ვოლკოვის განმარტებით, სასამართლოს გადაწყვეტილების თანახმად, ფონდს ეკრძალება რაიმე სახის მასალის ონლაინ გამოქვეყნება, არჩევნებში მონაწილეობის მიღება ან საპროტესტო აქციების ორგანიზება.
სასამართლოს გადაწყვეტილებას წინ უძღოდა პროკურორების მოთხოვნა ნავალნის რეგიონალური შტაბების ქსელის "ექსტრემისტულ“ ორგანიზაციად გამოცხადების შესახებ.
პროკურორებმა პარასკევს განაცხადეს, რომ ფონდი "მონაწილეობს სოციალური და სოციალურ-პოლიტიკური ვითარების დესტაბილიზაციის პირობების შექმნაში“ და მის საქმიანობას ”არასასურველი” უწოდეს.