დიმიტრი პესკოვი - ბაიდენი-პუტინის სამიტი ზაფხულისთვისაა დაგეგმილი

რუსეთისა და აშშ-ის პრეზიდენტებს ვლადიმერ პუტინსა და ჯო ბაიდენს შორის სამიტი ზაფხულშია დაგეგმილი, მაგრამ ზუსტი თარიღი და ადგილმდებარეობა ჯერ კიდევ შესათანხმებელია, - ამის შესახებ კრემლის პრესსპიკერმა დიმიტრი პესკოვმა განაცხადა.

„გაჟღერდა გარკვეული წინადადებები, ჯერჯერობით თარიღს ვერ დავადასტურებ. თარიღზე ჯერჯერობით არანაირი შეთანხმება არ ყოფილა. ჩვენ ნამდვილად ვსაუბრობთ ზაფხულის თვეებზე, მრავალი ფაქტორი ჯერ კიდევ გასაანალიზებელია, რომ საბოლოო შეთანხმებას მივაღწიოთ“, - აღნიშნა პესკოვმა.

მისი თქმით, ჯერჯერობით არც კონკრეტული ქვეყანა არ დასახელებულა.

შეგახსენებთ, ჯო ბაიდენსა და ვლადიმერ პუტინს შორის 13 აპრილს სატელეფონო საუბარი გაიმართა. თეთრი სახლის ინფორმაციით, ჯო ბაიდენმა ვლადიმერ პუტინს უახლოეს თვეებში მესამე ქვეყანაში რუსეთ-ამერიკის სამიტის გამართვა შესთავაზა.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს