ევროკავშირი, ვაქცინის მიწოდებაში წარმოქმნილი შეფერხების გამო, „ასტრაზენეკას“ უჩივის

ევროკომისიის განცხადებით, ვაქცინის მიწოდებასთან დაკავშირებული კონტრაქტის პირობების დარღვევის გამო ფარმაცევტულ კომპანია „ასტრაზენეკას“ სასამართლოში უჩივიან.

„კომისიამ გასულ პარასკევს „ასტრაზენეკას“ წინააღმდეგ სამართლებრივი ქმედება დაიწყო”, - განაცხადა ევროკომისიის პრესსპიკერმა დღეს გამართულ პრესკონფერენციაზე.

მისივე თქმით, ამ ნაბიჯს მხარი ევროკავშირის 27-ვე ქვეყანამ დაუჭირა

„კონტრაქტის ზოგიერთი პირობა არ არის დაცული და კომპანიამ ვერ შეძლო დოზების დროული მიწოდების უზრუნველსაყოფად სანდო სტრატეგიის წარმოდგენა,“- აღნიშნა პრესსპიკერმა.

„ასტრაზენეკამ“ კი განაცხადა, რომ კომპანიის წინააღმდეგ სასამართლო პროცესს არანაირი სამართლებრივი საფუძველი არ გააჩნია.

„ასტრაზენეკამ“ სრულად შეასრულა წინასწარი შესყიდვის შეთანხმება ევროკომისიასთან და მტკიცედ დაიცავს თავს სასამართლოში,“ - აცხადებენ კომპანიაში. მათი განმარტებით, აპრილის ბოლომდე კომპანია ევროპის ქვეყნებს ვაქცინის 50 მილიონ დოზას მიაწვდის.

ფარხატ მამედოვი - სომხებმა რაც უნდა ის გააკეთონ, დაგვაყენონ ფაქტის წინაშე, რომ რუსი მესაზღვრეები აღარ დგანან სომხეთ-ირანის საზღვარზე, ამის შემდეგ დადგება ახალი რეალობა და თავის პოზიციას აზერბაიჯანიც ჩამოაყალიბებს
ქართული პრესის მიმოხილვა 25.04.2024
არჩილ მორჩილაძე - AACI-ის გეგმის მიხედვით, 2024 წლის 15 სექტემბრამდე, ყველა კლინიკაში უნდა დასრულდეს ძირითადი აუდიტის პროცესი, რათა შემდეგ დარჩეს დრო ხარვეზების გამოსწორებისა და მაკორექტირებელი გეგმების წარსადგენად
თბილისში ახალი კლინიკა - ჟორდანიას სამედიცინო ცენტრი გაიხსნება
m² კოლაბორაციულ პროექტს იწყებს
GM PHARMA ამერიკის სავაჭრო პალატის (AmCham) წევრი გახდა