რუსეთის საგარეო საქმეთა სამინისტრომ მოსკოვში უკრაინის საელჩოს თანამშრომელი პერსონა ნონ გრატად გამოაცხადა,- ამის შესახებ ინფორმაციას რუსული მედია ავრცელებს.
მათივე ინფორმაციით, დიპლომატმა რუსეთი 30 აპრილის დღის ბოლომდე უნდა დატოვოს.
”უკრაინის არაკეთილსინდისიერი ქმედებების შემდეგ, როდესაც კიევში რუსეთის საელჩოს თანამშრომელი 19 აპრილს პერსონა ნონ გრატად გამოცხადდა, და დიპლომატიურ სტატუსთან შეუთავსებელი მოქმედებების საპასუხო პრინციპის საფუძველზე, რუსეთში უკრაინის საელჩოს თანამშრომელი პერსონა ნონ -გრატად გამოცხადდა. მან რუსეთი 30 აპრილს დღის ბოლომდე უნდა დატოვოს", - განაცხადეს რუსეთის საგარეო უწყებაში.