ვლადიმერ ზელენსკი - ყველაფერი მიდის იქითკენ, რომ ვლადიმერ პუტინთან შეხვედრა შედგეს

უკრაინის პრეზიდენტმა ვლადიმერ ზელენსკიმ მისი ოფისის ხელმძღვანელს ანდრეი ერმაკს დაავალა, მოილაპარაკოს რუსეთის პრეზიდენტის ადმინისტრაციასთან, რათა ვლადიმერ პუტინთან მისი შეხვედრა შედგეს.

„უკრინფორმის“ ინფორმაციით, ამის შესახებ ვლადიმერ ზელენსკიმ ჟურნალისტებს თავად განუცხადა.

„ყველაფერი იქითკენ მიდის, რომ ეს შეხვედრა შედგეს. მე მართლაც შევთავაზე და თქვენ ეს მოისმინეთ, შევხვდეთ დონბასში. რუსეთის პრეზიდენტმა შეხვედრის სურვილი დაადასტურა, მაგრამ შემომთავაზა მოსკოვში შეხვედრა. უკვე დავავალე პრეზიდენტის ოფისის ხელმძღვანელს ანდრეი ერმას, რათა დაუკავშირდეს პუტინის ადმინისტრაციას, რათა შეთანხმდნენ თარიღზე, ადგილზე ან ქალაქზე, სადაც შევძლებთ შეხვედრას“, - განაცხადა ზელენსკიმ.

მისი თქმით, მთავარია, რომ ეს შეხვედრა და მოლაპარაკებები შედგეს, ხოლო შეხვედრის ადგილი - ეს უკვე დეტალების საქმეა.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს