აშშ “ასტრაზენეკას“ ვაქცინის 60 მილიონამდე დოზას სხვა ქვეყნებს გაუზიარებს

აშშ “ასტრაზენეკას“ ვაქცინის 60 მილიონამდე დოზას სხვა ქვეყნებს გაუზიარებს, - ამის შესახებ თეთრ სახლში განაცხადეს.

თეთრი სახლის განცხადებით, ვაქცინის 10 მილიონი დოზის სხვა ქვეყნებისთვის მიწოდება უახლოეს კვირებში, სურსათისა და წამლის ადმინისტრაციის მიერ სათანადო განხილვის დასრულების შემდეგ მოხდება. კიდევ 50 მილიონი დოზა კი წარმოების სხვადასხვა ეტაპზეა.

მიუხედავად იმისა, რომ აშშ-ის მარეგულირებელ ორგანოებს „ასტრაზენეკას“ ვაქცინის საჯარო მოხმარების გამოყენების ოფიციალური ნებართვა არ გაუციათ, ქვეყანას ვაქცინის მარაგი აქვს.

ამ დრომდე აშშ-ში კოორნავირუსის საწინააღმდეგო სამი ვაქცინის -„ფაიზერის“, „მოდერნასა“ და „ჯონსონის“ - გამოყენებაა ნებადართული. ექსპერტები აცხადებენ, რომ, სავარაუდოდ, ქვეყნის მოსახლეობის ასაცრელად აღნიშნული სამი ვაქცინა საკმარისი იქნება და აშშ-ს „ასტრაზენეკას“ ვაქცინა აღარ დასჭირდება. ბოლო მონაცემებით, კოვიდ 19-ის საწინააღმდეგო ვაქცინის მინიმუმ 1 დოზა აშშ-ის ზრდასრული მოქალაქეების 53%-ზე მეტს აქვს გაკეთებული.

იხილეთ ვიდეო:აშშ "ასტრაზენეკას" ვაქცინის 60 მილიონამდე დოზას სხვა ქვეყნებს გაუზიარებს

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!