იაპონია ტოკიოს ცენტრში მასობრივი ვაქცინაციის ცენტრს გახსნის

იაპონიის თავდაცვის სამინისტრო დედაქალაქ ტოკიოს ცენტრში კორონავირუსის საწინააღმდეგო მასობრივი ვაქცინაციის ცენტრს გახსნის, - ამის შესახებ ინფორმაციას Reuters-ი ავრცელებს.

სააგენტოს ცნობით, ცენტრი, რომლის მიზანი ტოკიოს ოლიმპიური თამაშების წინ ვაქცინაციის ტემპის დაჩქარებაა, მაისში გაიხსნება და მოქალაქეებს 3 თვის განმავლობაში მოემსახურება, თუმცა, ჯერჯერობით უცნობია, რამდენი ადამიანის ვაქცინაცია იგეგმება ყოველდღიურად.

იაპონიის თავდაცვის სამინისტროს განცხადებით, პრემიერ-მინისტრმა იოშიჰიდე სუგამ უწყებას ცენტრის 24 მაისამდე გახსნა დაავალა.

იაპონიამ კოვიდ 19-ის წინააღმდეგ მოსახლეობის ვაქცინაცია მიმდინარე თვეში დაიწყო და ბოლო მონაცემებით, ამ დროისთვის ქვეყანაში მცხოვრები 126 მილიონამდე ადამიანის დაახლოებით 1.5 %-ია აცრილი. ჯერჯერობით ვაქცინაცია „ფაიზერის“ ვაქცინით მიმდინარეობს, თუმცა მომავალ თვეში იაპონიის მარეგულირებლებმა „მოდერნას“ ვაქცინის შესახებაც უნდა მიიღონ გადაწყვეტილება. დამტკიცების პროცესშია „ასტრაზენეკას“ ვაქცინის გამოყენების საკითხიც. იაპონიის მთავრობას „მოდერნას“ ვაქცინის 50 მილიონი და „ასტრაზენეკას“ 120 მილიონი დოზა აქვს შეძენილი.

ვიტალი ბალა - თუ რუსეთმა უკრაინის საზღვრებიდან თავისი სამხედროების გაყვანა არ დაიწყო, ცხადი გახდება, რომ ბაიდენი და პუტინი უკრაინასთან დაკავშირებით ვერაფერზე შეთანხმდნენ
გიორგი კუნაძე - ამჯერად გადავრჩით, მაგრამ, როგორც იტყვიან - უკეთესობის უნდა გჯეროდეს, მაგრამ უარესისთვის უნდა ემზადო
ქართული პრესის მიმოხილვა 09.12.2021
ოქროყანაში რეკრეაციულ სამკუთხედში მოქცეული უნიკალური საცხოვრებელი უბანი სიმეტრია პარკი შენდება
„ვისოლ ავტო ექსპრესი” ავტომომსახურების ცენტრების ქსელის განვითარებას განაგრძობს
პროკრედიტ ბანკის სამეთვალყურეო საბჭოს ორი დამოუკიდებელი წევრი შეემატა
სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით