საპროცედურო საკითხთა და წესების კომიტეტის თავმჯდომარის, ირაკლი ქადაგიშვილის ინფორმაციით, დღეს პარლამენტში ამნისტიის შესახებ კანონპროექტი დაინიცირდება. კითხვაზე, რამდენად არის ბოლომდე შეჯერებული სადავო საკითხები და თუ შეიძლება ველოდოთ ოპოზიციის მხრიდან ალერნატიული პროექტის დარეგისტრირებას, ქადაგიშვილი აცხადებს, რომ ოპოზიციის პოზიცია ამასთან დაკავშირებით დღევანდელ პლენარულ სხდომაზე გამოჩნდება.
„დღეს ამნისტიის შესახებ კანონპროექტი დარეგისტრირდება, როგორც ეს შეთანხმების მუხლით არის გათვალისწინებული და ჩვენ ბოლომდე გავყვებით შეთანხმების მუხლების დღის წესრიგს და სულისკვეთებას.
ამ კანონპროექტთან დაკავშირებით გვქონდა კონსულტაციები უმრავლესობას და ოპოზიციას. ჩვენ ამ კანონპროექტს დავაინიცირებთ და დღევანდელ სხდომაზე გამოჩნდება ოპოზიციის საბოლოო პოზიცია ამასთან დაკავშირებით,"- განაცხადა ქადაგიშვილმა.