ვლადიმერ ზელენსკი - უკრაინა ბირთვული ინდუსტრიის განვითარებაზე მუშაობს

უკრაინა მუშაობს ბირთვული ინდუსტრიის განვითარებაზე იმისთვის, რომ უზრუნველყოს ენერგეტიკული უსაფრთხოება და ეროვნული ენერგეტიკული სისტემის ევროკავშირის ენერგეტიკულ სისტემასთან სინქრონიზაცია, - უკრაინის პრეზიდენტის ადმინისტრაციის ინფორმაციით, ამის შესახებ პრეზიდენტმა ვლადიმერ ზელენსკიმ ატომური ენერგიის საერთაშორისო სააგენტოს გენერალურ დირექტორთან, რაფაელ მარიანო გროსისთან შეხვედრაზე განაცხადა.

ზელენსკის თქმით, სხვა საკითხებთან ერთად, ქვეყანა გეგმავს ტექნოლოგიური წარმოების ლოკალიზებას უახლესი SMR-160-ის რეაქტორებისთვის.

”დღეს თამამად შემიძლია ვთქვა, რომ უკრაინა მოწოდებულია ბირთვული ენერგიის განვითარებისკენ. ჩვენი ქვეყანა გეგმავს გადაერთოს თანამედროვე ბირთვული რეაქტორების, მათ შორის მცირე მოდულური რეაქტორების SMR-160-ის გამოყენებაზე. უკრაინა მიზნად ისახავს ტექნოლოგიური წარმოების ლოკალიზებას უახლესი SMR-160-ის რეაქტორებისთვის,“- აღნიშნა ზელენსკიმ.

უკრაინის პრეზიდენტსა და ატომური ენერგიის საერთაშორისო სააგენტოს ხელმძღვანელს შორის შეხვედრა კიევში გაიმართა. რაფაელ მარიანო გროსი უკრაინას ჩერნობილის ტრაგედიის 35 წლისთავზე ეწვია.

იხილეთ ვიდეო:ვლადიმერ ზელენსკი - უკრაინა ბირთვული ინდუსტრიის განვითარებაზე მუშაობს

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 07.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
ბაქოში ევროპის ჩემპიონატის თასი ჩაიტანეს