ინდოეთში საერთაშორისო დახმარების პირველი პარტია ჩაიტანეს
ინდოეთში საერთაშორისი სამედიცინო დახმარების პირველი პარტია ჩაიტანეს, - ამის შესახებ ინფორმაციას „დოიჩე ველე“ ავრცელებს.
გამოცემის ცნობით, ხელოვნური სუნთქვის აპარატები და ჟანგბადის კონცენტრატორი ნიუ-დელის საერთაშორისო აეროპორტში გაერთიანებული სამეფოდან ჩავიდა.
ინდოეთს დახმარებას სხვა ქვეყნებიც დაპირდნენ, მათ შორის შეერთებული შტატები, გერმანია, საფრანგეთი და პაკისტანი.
„გერმანიის მთავრობა სხვა ქვეყნებთან ერთად იმუშავებს იმისთვის, რომ ინდოეთისთვის დახმარების გაწევა უზრუნველვყოთ. გვსურს, გავაკეთოთ ყველაფერი, რითიც შეგვიძლია, ინდოეთს დავეხმაროთ,“- აღნიშნა გერმანიის კანცლერმა ანგელა მერკელმა.
ჯანდაცვის მსოფლიო ორგანიზაციის ხელმძღვანელის, ტედროს ადანამ გებრეისუსის თქმით, ინდოეთში არსებული მდგომარეობა „გულსატკენზე მეტია“.
შეგახსენებთ, ინდოეთში რამდენიმე დღეა ყოველდღე კორონავირუსის 300 000-ზე მეტი შემთხვევა ფიქსირდება. ქვეყნის საავადმყოფოებში ჟანგბადისა და თავისუფალი საწოლების დეფიციტია. კორონავირუსის „ინდური ვარიანტების“ თავიანთ ქვეყნებში გავრცელების პრევენციის მიზნით, ინდოეთთან მიმოსვლა შეზღუდა გერმანიამ, გაერთიანებულმა სამეფომ, კანადამ, ირანმა, ქუვეითმა, ტაილანდმა, სინგაპურმა, ბანგლადეშმა და ავსტრალიამ.
იხილეთ ვიდეო:ინდოეთში საერთაშორისო დახმარების პირველი პარტია ჩაიტანეს
This is a modal window.
v-if="article.gallery" v-html="article.gallery"
