კორონავირუსის ინფექციის გაჩენა შესაძლოა, ამერიკის ბიოლოგიური ლაბორატორიიდან გაჟონვასთან იყოს დაკავშირებული, - ამის შესახებ რუსეთის სახელმწიფო დუმის სპიკერმა ვიაჩესლავ ვოლოდინმა განაცხადა.

მისი თქმით, რუსეთის მთავრობამ ვირუსის გავრცელებაზე პასუხისმგებლობის საკითხი უნდა დააყენოს.

„იქიდან გამომდინარე, რომ შეერთებული შტატების სატელიტი სახელმწიფოები, ისევე როგორც თავად აშშ, ჩუმად არიან, შეიძლება გაკეთდეს ერთი დასკვნა: აშკარაა, რომ ერთ-ერთ ლაბორატორიაში იმ ლაბორატორიებიდან, რომლებიც მათ მთელს მსოფლიოში შექმნეს, გაჟონვას ჰქონდა ადგილი“, - აღნიშნა ვოლოდინმა.

მან აშშ-ს მიუწოდა, შეაჩეროს გამოკვლევები იმასთან დაკავშირებით, თუ რამ გამოიწვია კოვიდ 19-ის გავრცელება და იმაზე იფიქროს, თუ როგორ აუნაზღაუროს ზიანი დაზარალებულ ქვეყნებს.

„ვირუსი აღმოაჩინეს უხანში, მაგრამ ვისი ლაბორატორიაა ეს? ამერიკული და მათი დაფინანსებული,“- აღნიშნა სპიკერმა.

მისი თქმით, არ არის გამორიცხული, მიდიოდეს მუშაობა ვირუსის მოდელირების მიზნით.

„თუკი ეს კვლევა არ შეჩერდება, მსოფლიო მსგავსი სიტუაციის ტყვე აღმოჩნდება,“- აღნიშნა ვოლოდინმა.

მისი თქმით, ამერიკული ლაბორატორიები საქართველოსა და აღმოსავლეთ ევროპაში ფუნქციონირებენ. „ეს უნდა გაკონტროლდეს,“- აღნიშნა რუსმა პოლიტიკოსმა.