გიორგი ვაშაძის ინფორმაციით, პარლამენტში ამნისტიასთან დაკავშირებული 2 კანონპროექტის ინიცირება მოხდება, საიდანაც ერთს უმრავლესობა, მეორეს კი ოპოზიცია წარადგენს

„სტრატეგია აღმაშენებლის“ ლიდერის, გიორგი ვაშაძის ინფორმაციით, პარლამენტში „ამნისტიის შესახებ“ კანონში შესატანი ცვლილებების 2 კანონპროექტის ინიცირება მოხდება.

აღნიშნულის შესახებ ვაშაძემ ოპოზიციისა და უმრავლესობის შეხვედრის დასრულების შემდეგ, ჟურნალისტებთან განაცხადა.

როგორც მან აღნიშნა, საკითხი, რაზეც ისინი ვერ შეჯერდნენ, კანონპროექტში 20 ივნისის მოვლენების დროს დაზარალებულების თანხმობის პრინციპის ჩადებას უკავშირდება, რის გამოც ამნისტიის შესახებ 2 კანონპროექტი დარეგისტრირდება.

მისივე განმარტებით, ორივე კანონპროექტის შემთხვევაში ამნისტია არ შეეხება ევროპული კონვენციის მუხლებს.

როგორც ვაშაძემ აღნიშნა, ოპოზიცია საკუთარ ალტერნატიულ პროექტს ხვალ დააინიცირებს.

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა