ვლადიმირ ზელენსკის განცხადებით, დონბასის კრიზისის მოსაგვარებლად მოლაპარაკებების პროცესში სხვა ”ძლიერი მსოფლიო მოთამაშეების” ჩართვას ემხრობა

უკრაინის პრეზიდენტი ვლადიმირ ზელენსკი მინსკის შეთანხმებების რამდენიმე პუნქტის განახლებას და დონბასის კრიზისის მოსაგვარებლად მოლაპარაკებების პროცესში სხვა ”ძლიერი მსოფლიო მოთამაშეების” ჩართვას ემხრობა.

პრეზიდენტის პრესსამსახურის ცნობით, ამის შესახებ ზელენსკიმ ხერსონის ოლქში სამუშაო ვიზიტისას განაცხადა.

კერძოდ, ზელენსკი რეალურ ვარიანტად მიიჩნევს სხვა სახელმწიფოების ჩართვას სამშვიდობო მოლაპარაკებებში, რაც, მისი აზრით, ხელს შეუწყობს დონბასის ომის უფრო სწრაფად დასრულებას.

„ეს შეიძლება იყოს ნორმანდიული ოთხეულის ფორმატის გაფართოება ან ცალკე, პარალელური ფორმატი სხვა ქვეყნებთან ძალიან სერიოზული, ძლიერი მოთამაშეებით. ეს არა მხოლოდ იმიტომ, რომ ისინი ძლიერები არიან, არამედ იმიტომ, რომ ისინი მზად არიან დაეხმარონ უკრაინას, რომ დასრულდეს ომი. ვფიქრობ, ეს სწორი გადაწყვეტილებაა“, - განაცხადა ზელენსკიმ.

პრეზიდენტმა ასევე ისაუბრა მინსკის მოლაპარაკებების პროცესის მოდერნიზაციისა და განახლების შესახებ.

„მე ვთვლი, რომ მინსკის შეთანხმებები უნდა იყოს მოქნილი. არავინ ამბობს, რომ მინსკი უნდა დაიხუროს. მისი რამდენიმე პუნქტის განახლებაა საჭირო“, - აღნიშნა ზელენსკიმ.

სამუშაო ვიზიტისას ზელენსკიმ ოკუპირებულ ყირიმთან ადმინისტრაციულ საზღვარზე უკრაინელი სამხედროების პოზიციები მოინახულა. „[რუსული] ჯარების გაყვანა არ ნიშნავს, რომ არმია არ უნდა იყოს მზად ნებისმიერ დროს ჩვენი ქვეყნის საზღვრებზე ჯარის შესაძლო დაბრუნებისთვის. ჩვენ ყოველთვის მზად უნდა ვიყოთ“, - განაცხადა ზელენსკიმ.

იხილეთ ვიდეო: ვლადიმირ ზელენსკის დონბასის მოლაპარაკებების პროცესში სხვა ქვეყნების ჩართვა სურს

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია