აშშ-ში სრულად ვაქცინირებული მოქალაქეები ღია სივრცეებში პირბადეების ტარების ვალდებულებისგან თავისუფლდებიან

სრულად ვაქცინირებულ მოქალაქეებს ღია სივრცეებში პირბადეების ტარება აღარ სჭირდებათ, - ამის შესახებ აშშ-ის დაავადების კონტროლისა და პრევენციის ცენტრმა განაცხადა.

ამასთან, ცენტრის მითითებით პირბადის ტარება დახურულ სივრცეებსა და ხალხით გადატვირთულ ადგილებში კვლავ ყველასთვის საჭიროა.

დაავადების კონტროლისა და პრევენციის ცენტრის განცხადებას პრეზიდენტი ჯო ბაიდენი გამოეხმაურა და აღნიშნა, რომ ეს „არაჩვეულებრივი პროგრესია“.

“ჩვენი მეცნიერები დარწმუნებულები არიან, რომ დაინფიცირების ამ ვირუსის სხვისთვის გადაცემის შანსი ძალიან, ძალიან დაბალია. პრაქტიკული შედეგი ნათელია : თუ ვაქცინირებული ხართ, მეტის გაკეთება შეგიძლიათ,” - აღნიშნა ბაიდენმა.

პრეზიდენტმა ამერიკელებს, რომლებიც ჯერ არ აცრილან, ვაქცინაციისკენ მოუწოდა და ამას "პატრიოტული" ქმედება უწოდა.

„ვაქცინები თქვენი სიცოცხლის, ასევე თქვენს გარშემო მყოფი ადამიანების სიცოცხლის გადარჩენას გულისხმობს. ისინი ასევე გვეხმარებიან, დავუბრუნდეთ ცხოვრების ნორმალურ რიტმს,“- აღნიშნა პრეზიდენტმა.

Reuters-ი წერს, რომ ბოლო კვირის განმავლობაში აშშ-ში კორონავირუსით ინფიცირების შემთხვევები 16%-ით შემცირდა. ქვეყანაში ვაქცინის ერთი დოზა მოსახლეობის 43 %-ს აქვს გაკეთებული, სრულად ვაქცინირებული კი 29%-ია.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 06.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს