კახა კალაძე - მინდა, თბილისში გარე განათება მთლიანად განვაახლოთ

მინდა თბილისში გარე განათება მთლიანად განვაახლოთ - მიმდინარე კვირას „თბილსერვის ჯგუფი“ ტენდერს გამოაცხადებს, რომელიც მთელი ქალაქის მასშტაბით გარე განათების განახლებას ითვალისწინებს, - ამის შესახებ დედაქალაქის მერმა, კახა კალაძემ თბილისის მუნიციპალიტეტის მთავრობის სხდომაზე განაცხადა.

მისივე თქმით, პროექტის შედეგად ქალაქი ძალიან დიდ ეკონომიას მიიღებს, რაც სწორი ნაბიჯია.

„გარე განათების გეგმა ითვალისწინებს ქალაქის ქუჩების განათების 3 კატეგორიად დაყოფას. ამ პროექტის განხორციელების მიზნით, მიმდინარე კვირას „თბილსერვის ჯგუფი“ ტენდერს გამოაცხადებს, რომელიც ითვალისწინებს მთელი ქალაქის მასშტაბით გარე განათების განახლებას, 10 - წლიანი გადახდის პირობით.

ჩვენ იმ კონკრეტულ ქუჩებზე, სადაც შევდივართ, ყველგან ხდება გარე განათების ცვლილება - მონტაჟდება ახალი სანათები, რომელიც ძალიან დიდ ეკონომიას გვაძლევს. ამ ტენდერის საფუძველზე მინდა თბილისში გარე განათება მთლიანად განვაახლოთ. ამ პროექტის შედეგად ძალიან დიდ ეკონომიას მივიღებთ, რაც ძალიან სწორი ნაბიჯია.

ამ პროექტისთვის მუნიციპალიტეტი არ გამოყოფს დამატებით დაფინანსებას, რადგან გარე განათების განახლების პროექტი მნიშვნელოვანი ეკონომიის წარმოშობასა და ხარჯების შემცირებას ითვალისწინებს. კონსულტაციები და ბაზრის კვლევა უკვე ჩატარებულია", - განაცხადა კალაძემ.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა