დიმიტრი პესკოვის განცხადებით, პუტინისა და ზელენსკის შეხვედრის შესახებ კიევისგან ოფიციალური შეთავაზება არც მოსკოვს და არც ვატიკანს მიუღია
კრემლის პრესსპიკერი დიმიტრი პესკოვი აცხადებს, რომ ვლადიმერ პუტინისა და ვლადიმერ ზელენსკის შეხვედრის შესახებ კიევისგან ოფიციალური შეთავაზება არც მოსკოვს და არც ვატიკანს მიუღია.
„პრეზიდენტმა ზელენსკიმ განაცხადა, რომ ასეთი შეხვედრისთვის საუკეთესო ადგილი ვატიკანი იქნებოდა. თუმცა, არც ვატიკანი და არც რუსეთი ამ საკითხთან დაკავშირებით ოფიციალურ ინფორმაციას არ ფლობენ. შეთავაზების შესახებ კონკრეტული ინფორმაცია არ მიგვიღია“, - აღნიშნა პესკოვმა.
ამასთან, კრემლის პრესსპიკერის განცხადებით, მისთვის უცნობია, შეხვდება თუ არა რუსეთის პრეზიდენტი უკრაინელ კოლეგას სხვაგან, გარდა მოსკოვისა.
„არ ვიცი, ის მზად არის თუ არა სადმე გამგზავრებისთვის. ჯერჯერობით ჩვენ ყველა გამოვდივართ იქიდან, რაც ვლადიმერ პუტინმა განაცხადა, რომ ჩვენ კონფლიქტის ნაწილი არ ვართ და რადგან კონფლიქტის მხარე არ ვართ, არ არსებობს ჩვენთან დონბასთან დაკავშირებული საკითხების განხილვის საჭიროება. პუტინმა აღნიშნა, რომ თუკი ზელენსკის ორმხრივი ურთიერთობების განხილვა სურს, მზად არის მოსკოვში ნებისმიერ დროს მიიღოს,“- აღნიშნა პესკოვმა.
v-if="article.gallery" v-html="article.gallery"
