კახა კალაძეს ალტერნატივა არ ჰყავს, პარტიის პოზიცია ასეთია - არ მგონია, რამე სიურპრიზი დახვდეს, - ამის შესახებ საპარლამენტო უმრავლესობის წევრმა ირაკლი ზაქრუამ ჟურნალისტებთან განაცხადა. მისი თქმით, ამის მიუხედავად უნდა დაველოდოთ ოფიციალურ გადაწყვეტილებას.
„პირადად მე მგონია, რომ კახა კალაძეს ალტერნატივა არ ჰყავს დედაქალაქის მერობის ასე ვთქვათ შეჯიბრებითობაში. პარტიის პოზიციაა ასეთი, რასაც მე ვახმოვანებ, თუმცა, ოფიციალურ, პოლიტსაბჭოს გადაწყვეტილებას, თვითონ კახა კალაძის გადაწყვეტილებას უნდა დაველოდოთ. არ მინდა წინ გავუსწრო მოვლენებს, მაგრამ არ მგონია რამე სიურპრიზი დახვდეს (კახის). არ მსმენია სხვა კანდიდატის შესახებ და არც განიხილება", - განაცხადა ზარქუამ.