ლატვიის დედაქალაქ რიგაში არალეგალურ ჰოსტელში გაჩენილ ხანძარს 8 ადამიანის სიცოცხლე ემსხვერპლა, - ამის შესახებ ინფორმაციას BBC-ი ავრცელებს.
გამოცემის ცნობით, ხანძრის შედეგად რამდენიმე ადამიანი მძიმედ დაშავდა. გავრცელებული ინფორმაციით, ხანძარი 6-სართულიანი შენობის ბოლო სართულზე, ერთ-ერთ ნომერში განდა. დედაქალაქის მერის მარტინს სტაკისის განცხადებით, დაღუპულების უმრავლესობა, სავარაუდოდ, უცხოელია.
მისივე თქმით, შენობაში ჰოსტელის მოწყობის ლიცენზია გაცემული არ იყო. ხანძრის გამომწვევი მიზეზების დასადგენად მომხდარზე გამოძიება მიმდინარეობს.