საქართველოში ოფიციალური ვიზიტით მყოფი ლიეტუვის საგარეო საქმეთა მინისტრი გაბრიელიუს ლანსბერგისი ოპოზიციის ლიდერებს ხვდება.
საელჩოს რეზიდენციაში შეხვედრის დაწყებამდე საუბრის თემა არ დაკონკრეტებულა.
„ეს არის შესაძლებლობა, რომ ჩვენი უახლოესი მეგობარი ქვეყნის საგარეო საქმეთა მინისტრს გავაცნოთ ჩვენი ხედვა როგორ უნდა გამოვიდეთ კრიზისიდან, რომელშიც ვართ შეთანხმების მიუხედავად; რაოდენ დიდი მნიშვნელობა აქვს ლიეტუვის მხარდაჭერას დღეს, ხვალ შემდგომშიც, როცა გვსურს საქართველოს ინტეგრაცია ვიხილოთ ევროატლანტიკურ სტრუქტურებში“, - განაცხადა ბადრი ჯაფარიძემ შეხვედრის დაწყებამდე.