თურქეთის ჯანდაცვის მინისტრი ფაჰრედინ კოჩა აცხადებს, რომ ქვეყანა რუსული ვაქცინის, „სპუტნიკ V”-ის 50 მილიონ დოზას შეიძენს.
მისი თქმით, თურქეთში ვაქცინების პირველი პარტია მაისის დასაწყისში ჩავა და 6 თვის განმავლობაში დასრულდება.
აღსანიშნავია, რომ თურქეთში ამ დროისათვის ვაქცინაცია Sinovac-ისა და Pfizer-BioNTech-ის ვაქცინებით მიმდინარეობს.
გამოცემა Statista-ს ინფორმაციით, „სპუტნიკ V”-ის დოზების მიღებაზე სურვილი 50-ზე მეტმა ქვეყანამ გამოთქვა. მათ შორის არიან ბრაზილია, ეგვიპტე, ჩინეთი, უნგრეთი, ინდოეთი და ირანი.