აშშ-ის სენატმა სამანტა პაუერის კანდიდატურა აშშ-ის საერთაშორისო განვითარების სააგენტოს (USAID) ხელმძღვანელის პოსტზე დაამტკიცა, - ამის შესახებ ინფორმაციას CNN-ი ავრცელებს.
ტელეკომპანიის ცნობით, სამანტა პაუერს მხარი 68 სენატორმა დაუჭირა, წინააღმდეგ კი 26 წავიდა.
„ძალიან მადლიერი ვარ სენატის მხრიდან გამოცხადებული ამ ორპარტიული ნდობის გამო და ძალიან ენერგიულად შევუერთდები USAID-ის საოცარ გუნდს დიდი საქმეების გასაკეთებლად“, - წერს პაუერი სოციალურ ქსელ „ტვიტერში“.
სამანტა პაუერს ბარაკ ობამას პრეზიდენტობის დროს გაეროში აშშ-ის ელჩის თანამდებობა ეკავა.
პრეზიდენტმა ჯო ბაიდენმა ჯერ კიდევ იანვარში განაცხადა, რომ იგი გაეროში აშშ-ის ყოფილი ელჩის, პაუერის აშშ-ის საერთაშორისო განვითარების სააგენტოს ხელმძღვანელის კანდიდატად წარადგენას გეგმავდა.