რუსეთსა და ევროკავშირს შორის ურთიერთობები, ბრიუსელის ძალისხმევის წყალობით, რეკორდულად დაბალ ნიშნულზეა, - ამის შესახებ რუსეთის საგარეო საქმეთა სამინისტროს პრესსპიკერმა მარია ზახაროვამ განაცხადა.
ზახაროვამ “ფეისბუქის“ საკუთარ გვერდზე რუსეთში ევროკავშირის ელჩის მარკუს ედერერის მიერ გაკეთებული განცხადებიდან ციტატა გამოაქვეყნა, სადაც აღნიშნულია, რომ ბრიუსელ-მოსკოვის ურთიერთობები რეკორდულად დაბალ ნიშნულზეა „ცივი ომის“ შემდეგ. „ციტატას აკლია ყველაზე მნიშვნელოვანი და ჭეშმარიტი ნაწილი - ”ბრიუსელის ძალისხმევის წყალობით,“- წერს ზახაროვა.