რუსეთი ბულგარეთის მიერ რუსი დიპლომატის გაძევებაზე რეაგირებას მოახდენს, - რუსული მედიის ინფორმაციით, ამის შესახებ რუსეთის საგარეო უწყებაში განაცხადეს.
დღეს ცნობილი გახდა, რომ ბულგარეთმა რუსი დიპლომატი ქვეყნიდან გააძევა და რუსეთის სამართალდამცავ ორგანოებს მოუწოდა, ბულგარეთის ხელისუფლებას იარაღის საწყობებში მომხდარი აფეთქებების, ხანძრის დროს მტკიცებულებების განადგურებისა და ბულგარეთის სამი მოქალაქის მოწამვლის საქმეების გამოძიებაში დახმარება აღმოუჩინონ.
ბულგარეთის პროკურატურამ გუშინ განაცხადა, რომ აგროვებენ მტკიცებულებებს ბულგარეთში იარაღის საწყობებში 2011-2020 წლებში მომხდარ ოთხ აფეთქებაში რუსეთის ექვსი მოქალაქის შესაძლო მონაწილეობის შესახებ. აღნიშნულ საწყობებში საქართველოსა და უკრაინაში გასაგზავნი საბრძოლო მასალები ინახებოდა.