ჩეხეთისა და ბულგარეთის რუსეთის მიმართ ქმედება იწვევს გაღიზიანებას, სინანულს, გაუგებრობას და ასევე სურვილს, ეს „შიზოფრენიული პოზიცია“ შეიცვალოს,- ამის შესახებ რუსეთის პრეზიდენტის პრესსპიკერმა დიმიტრი პესკოვმა განაცხადა.
„რა თქმა უნდა, პრაღისა და სოფიას ქმედებები იწვევს: ა) გაღიზიანებას, ბ) სინანულს და გ) გაუგებრობას. ასევე სურვილს, რომ ამ „შიზოფრენიულ პოზიციაში" ცვლილებები შეიტანონ,“- აღნიშნა პესკოვმა.
მისივე თქმით, ჩეხეთის რესპუბლიკამ და ბულგარეთმა უნდა გააცნობიერონ, რომ რუსეთის ან ნებისმიერი სხვა ქვეყნის წინააღმდეგ უსაფუძვლო ბრალდებები “ავტომატურად გაუფასურდება" და არასასურველ შედეგებს მოუტანს მათ, ვინც ასეთ ბრალდებებს წარადგენს.