ლევან კობერიძე - ფიზიკურად ნიკა მელია იყო გაერთიანებული ოპოზიციის ლიდერი და იდეოლოგიურად - სააკაშვილი

„ნაციონალური მოძრაობა“ ვერც იოცნებებდა, რომ დღეს მათი ლიდერი, ნიკა მელია აღქმულია, როგორც სამართლიანობისთვის მებრძოლი პიროვნება, რომელიც ციხეშია, - ამის შესახებ პოლიტიკოსმა, ლევან კობერიძემ ტელეკომპანია „პალიტრანიუსის“ თოქ-შოუში “360 გრადუსი“ განაცხადა.

მისი შეფასებით, ფიზიკურად „ნაციონალური მოძრაობის“ თავმჯდომარე ნიკა მელია იყო გაერთიანებული ოპოზიციის ლიდერი და იდეოლოგიურად, ყოფილი პრეზიდენტი მიხეილ სააკაშვილი.

ამასთან, ლევან კობერიძე დარწმუნებულია, რომ „ნაციონალური მოძრაობა“ ნიკა მელიას ციხიდან გამოსვლის შემდეგაც პარლამენტში არ შევა.

“ჩვენი ვალდებულებაა, არ დავტოვოთ ამომრჩეველი ცუდსა და უარეს არჩევანს შორის, რაც ბოლო 2-3 არჩევნებია ხდება. რეალურად, მუდმივი სატყუარაა „ქართულ ოცნებასა“ და „ნაციონალურ მოძრაობას" შორის. ამ თამაშის დარღვევის შანსი იყო ის 25%, რაზეც იყო დაკვეთა, რომ ეს ორპოლუსიანობა რაღაცნაირად დაკნინებულიყო და ქართულ პოლიტიკაში ორპულუსიანობის ჰეგემონია დამთავებულიყო. ამომრჩეველმა ასე თუ ისე, გააკეთა არჩევანი და 25% მივიღეთ 2020 წლის არჩევნებში, მაგრამ პირდაპირ ვიტყვი, იმ 25%-მა თავი შეაჭმევინა პირველ რიგში, „ნაციონალურ მოძრაობას“, რომელიც მუდმივად მორალურ სატყუარას უკიდებდა დანარჩენ ოპოზიციურ სპექტრს, რომ აი, ახლა გაგვიყალბეს არჩევნები. გავიგე, მაგრამ ამ გაყალბებულ არჩევნებს დამტკიცება სჭირდება. ახლა უკვე მორალური სატყუარაც აღარ არის, იმდენს მიაღწია „ნაციონალურმა მოძრაობამ“, პირველ რიგში, „ქართული ოცნების“ და ოპოზიციის დიდი ნაწილის გაუაზრებელი ან საკუთარ მერკანტილურ ინტერესზე მორგებული გადაწყვეტილებების შედეგად. „ნაციონალური მოძრაობა“ ვერც იოცნებებდა, რომ დღეს მათი ლიდერი ნიკა მელია აღქმულია, როგორც სამართლიანობისთვის მებრძოლი პიროვნება, რომელიც ციხეშია. ის დღეს მთელი ოპოზოციის ლიდერია იმიტომ, რომ ყველანი ერთად იდგნენ მიტინგზე. ფიზიკურად ნიკა მელია იყო გაერთიანებული ოპოზიციის ლიდერი და იდეოლოგიურად სააკაშვილი. ახლა სატყუარა ცოტა ხანში გახდება ის, რომ არ განიმუხტა კრიზისი და უნდა შედგეს დიდი შეთანხმება. ევროკავშირმა იმისთვის, რომ ოპოზიციის უდიდესი ნაწილი ქუჩაში არ დარჩენილიყო, მაქსიმალურად შეეცადა, თავისი წნეხით რაც შეეძლო განეხორციელებინა და ოპოზიცის ეს ნაწილი პარლამენტში „შედენა“. „ნაციონალური მოძრაობა“ გარეთ დარჩა. ისინი არც შევლენ, დარწმუნებული ვარ, მელია რომ გამოვა, თან ამნისტიის ფორმით მოუწევს გამოსვლა, ის პარლამენტში არ შევა. შესაბამისად, შემდეგი ნაბიჯი, მორალური სატყუარა იქნება, რომ დიდი შერიგება უნდა შედგეს. ეს იქნება მიხეილ სააკაშვილის მიერ უკვე გაჟღერებული თემა, რომ მას უფლება უნდა ჰქონდეს დაბრუნდეს და საერთოდ, ქვეყანაში პოლიტიკური დევნა უნდა შეწყდეს. ყველა ოპოზიცია მერე ამას დაუკრავს ტაშს, თუ უჭკუოდ მოიქცევა, რადგან მანამდე არ ვფიქრობ, რომ ჭკვიანურად იქცეოდა“,- განაცხადა კობერიძემ.

გარდა ამისა, მან გუშინ, პარლამენტში ჯანდაცვის მინისტრის ეკატერინე ტიკარაძის სიტყვით გამოსვლაც შეაფასა და აღნიშნა, რომ საკანონმდებლო ორგანოში ოპოზიციის მხრიდან კრიტიკული კითხვა არ დასმულა.

„ ამ ადამიანს სხვადასხვა მიზეზებით მალავდნენ. პანდემიაა ქვეყანაში, ვაქცინაცია ყველაზე მწვავე საკითხია, ამაზე დიდი თემა არ არსებობს დღეს. ველოდებოდი, რომ ძალიან მწვავე დისკუსია იქნებოდა, როგორც პარლამენტს შეჰფერის. ოპოზიციამ უნდა დაანახოს ამამრჩეველს, ხმა რომ მისცა „ქართულ ოცნებას“, არ იმსახურებს იმიტომ, რომ ყველაზე საჭირბოროტო საკითხებზე ან პასუხები არ აქვს, ან რაღაცას არასწორად აკეთებს. გუშინ გაოცებული დავრჩი, „ქართული ოცნება“ მწვავე კითხვას რომ არ დასვამდა, ისედაც გასაგები იყო, თუმცა, გაოგნებული დავრჩი“, - განაცხადა კობერიძემ.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია