ნატო-ში აცხადებენ, რომ ავღანეთიდან ძალების გაყვანა დაიწყეს

ნატო-მ ავღანეთიდან მისიის გაყვანა დაიწყო. ამის შესახებ ინფორმაციას გამოცემა france24 ალიანსის წარმომადგენელზე დაყრდნობით ავრცელებს. „ნატო-ს მოკავშირეებმა აპრილის შუა რიცხვებში მიიღეს გადაწყვეტილება, რომ მტკიცე მხარდაჭერის მისიის ძალების გაყვანა პირველი მაისიდან დაიწყებოდა. გაყვანის პროცესი დაიწყო. ეს იქნება მოწესრიგებული, კოორდინირებული და წინდახედული პროცესი“, - განუცხადა ნატოს წარმომადგენელმა მედიას.

ნატო-ს ოფიციალურმა წარმომადგენელმა განაცხადა, რომ ალიანსის ჯარების უსაფრთხოება იქნება მთავარი პრიორიტეტი ყოველ ნაბიჯზე.

„ჩვენ ვიღებთ ყველა საჭირო ზომას, რომ ჩვენი პერსონალი ზიანისგან დავიცვათ. ძალების გაყვანის პერიოდში თალიბანის მიერ ნებისმიერ თავდასხმას ძლიერი პასუხი მოჰყვება. ჩვენ გაყვანის დასრულებას ვგეგმავთ რამდენიმე თვის განმავლობაში“, -აღნიშნა ნატო-ს წარმომადგენელმა.

მას დამატებით დეტალებზე არ უსაუბრია.

შეგახსენებთ, აშშ-ის პრეზიდენტმა ჯო ბაიდენმა ორი კვირის წინ განაცხადა, რომ ავღანეთიდან ამერიკული ჯარის გაყვანას პირველი მაისიდან დაიწყებდა. მალე ნატომ დაადასტურა, რომ მისიის გაყვანას აშშ-სთან კოორდინაციით განახორციელებდა.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს